ابنا: ايران کي فوج کي بحريہ کے سربراہ ايڈمرل حبيب اللہ سياري نے ايران کي يونيورسٹيوں کي اسلامي طلبا يونينوں کے تيرہويں سالانہ کنونشن سے خطاب کے دوران کہا کہ خليج فارس ميں تعينات امريکي بحري بيڑوں ہم گہري نظررکھے ہوئے ہيں - انہوں نے کہا کہ علاقے سے باہر اور ہر طرح کے خطرات کا مقابلہ کرنے کے لئے اسلامي جمہوريہ ايران کي فوج کي بحريہ کي سرگرميوں کا دائرہ آئندہ برسوں تک امريکا کے ساحلوں سے محض بيس ميل کے فاصلے تک پھيل جائے گا –ايڈمرل حبيب اللہ سياري نے بحيرہ احمر ميں بحري قزاقوں کي صورت ميں پيش آنےوالي مشکلات کے بارے ميں کہاکہ مغربي حکومتوں کي کوشش ہے کہ وہ علاقے ميں بدامني کا بہانہ بنا کر اس علاقے ميں اپني موجودگي کا جواز پيش کرسکيں اور دوسري طرف امريکي اور برطانوي بيمہ کمپنيوں نے سمندري راستے کے غير محفوظ ہونے کے بہانے بيمے کي رقم ميں کئي گنا اضافہ کرديا ہے- ايڈمرل سياري نے کہا کہ حقيقت تو يہ ہے کہ سمندري علاقوں ميں بحري قزاقوں کي موجودگي کا فائدہ مغربي ملکوں کو ہي ہوتا ہے. .....
/169
